السلام عليكم ورحمه الله وبركاته

اهلا وسهلا بيك فى منتدى نبروة نيوز الرياضى للرسمى

سجل معنا اذا لم يكن لك حساب ، اذا لك حساب فدخل لترى مميزتنا


الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  


اهلا بيك معنا :: زائر :: فى منتديات نبروة نيوز >> عدد المساهمات>> 0
 
آخر المواضيع
الموضوع
تاريخ ارسال المشاركة
بواسطة
سبب بسيط يؤدى الى بطلان الصلاة
من وصايا الرسول صلى الله علية وسلم
حكم الدعاء جهرا على المقابر
عمر بن الخطاب..العادل الزاهد
سعد بن أبى وقاص.. أول من رمى بسهم فى سبيل الله
فاطمة الزهراء.. سيدة نساء أهل الجنة
سلسلة عصر الإستيقاظ
أحد أعظم رواد جراحات الكلى والمسالك البوليه
استمرار انخفاض الدولار بسبب توقعات استمرار التحفيز النقدي
ارتفاع الدولار لاحتمالية الوصول لاتفاق بشأن الميزانية الامريكية
الأحد أبريل 20, 2014 7:38 am
الأحد أبريل 20, 2014 7:36 am
الأحد أبريل 20, 2014 7:34 am
الأحد أبريل 20, 2014 7:31 am
الأحد أبريل 20, 2014 7:31 am
الأحد أبريل 20, 2014 7:30 am
الأحد أبريل 20, 2014 7:30 am
الخميس ديسمبر 26, 2013 5:23 pm
الإثنين أكتوبر 28, 2013 2:44 pm
الخميس أكتوبر 10, 2013 3:42 pm
ملك الحصريات
ملك الحصريات
ملك الحصريات
ملك الحصريات
ملك الحصريات
ملك الحصريات
ملك الحصريات
شيرين
ecnewsfornow
ecnewsfornow
أكثر المواضيع نشاطاًa7medvirus مباراة نبروه ومطروح - 48 المساهماتa7medvirus هنا البث المباشر لمباراة نبروه ومياة البحيرة مباشر من ارض الملعب - 46 المساهماتa7medvirus هنا البث المباشر لمباراة نبروه ودمنهور - 21 المساهماتa7medvirus البث المباشر لمباراة نبروه والمنصورة من ارض الملعب - 15 المساهماتa7medvirus انتظروا المفجأة الكبرى من (كافيتريا نادى نبروة - 9 المساهماتa7medvirus هنا البث المباشر لمباراة نبروه ومطروح مباشر من ارض الملعب - 9 المساهماتa7medvirus فوز نبروه بثلاثيه على سمنود - 8 المساهماتa7medvirus صور مباراة نبروه ومطروح - 8 المساهماتa7medvirus متابعة حية للقاء نبروه غير المذاع - 8 المساهماتa7medvirus اتشرف بالانضمام لهذا الموقع المميز - 8 المساهمات

شاطر | 
 

 شم النسيم والبيض

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بلال المطحنة
المـديـر العـــام
المـديـر العـــام
avatar
 
New Page 2
 بيانات اضافيه [ + ] 
 
 

عدد المساهمات :
697

نقاط :
1214

العمر :
24

الموقع :
نبروة نيوز

بتشجع نادى ايه :
نبروه

تاريخ التسجيل :
14/10/2009


 

مُساهمةموضوع: شم النسيم والبيض   السبت أبريل 03, 2010 4:04 am

كل سنة وكل أصدقاءي طيبين
"شم النسيم" قرّب خلاص..

علشان كده حبينا النهارده نعمل مع بعض شوية أفكار لديكورات جميلة و"مفتكسة" جداً ممكن إنك تجمّلي بيها بيتك في عيد الربيع..

وعلى فكرة الأفكار دي مش هتكلّفكم ولا مليم؛ لأنها هتكون من حاجات موجودة في البيت...

وأوّل فكرة هنبدأ بها هي تلوين البيض بطرق طبيعية جداً جداً..



البيض الملوّن بأكثر من لون
أكيد كلنا يوم شم النسيم بنحب نفطر ببيض ملون، والنهارده هنشوف مع بعض إزاي ممكن إننا نلوّن البيض بأكتر من لون بطريقة طبيعية مية في المية باستخدام الأعشاب الطبيعية والخضراوات والفواكه...

لو عايزة تلوّني البيض باللون البنفسجي..
يبقى استخدمي قشر الباذنجان، وممكن تضيفي عليه كمية كبيرة من ورق البصل الأحمر.

لو عايزة تلوّني البيض باللون البمبي بدرجاته..
يبقى استخدمي البنجر الأحمر، وضيفي إليه عصير فراولة مركّز وقشر البصل الأحمر والكركديه‏.‏





لو عايزة تلوّني البيض باللون الأصفر بدرجاته..
يبقى استخدمي أوراق البصل البرتقالي أو قشر الموالح زي البرتقال أو اليوسفي، وضيفي إليه الجزر المبشور أو الكمون أو الكركم‏.

لو عايزة تلوّني البيض باللون الذهبي..
يبقى استخدمي قشر التفاح الأصفر، وضيفي إليه أوراق البقدونس.

لو عايزة تلوني البيض باللون الأخضر..
يبقى استخدمي أوراق السبانخ والبقدونس.

لو عايزة تلوني البيض باللون البني..
يبقى استخدمي القهوة أو الشاي المغلي.

ودي الطريقة:
دي أبسط وأسهل طريقة ممكن إنك تعمليها علشان تحصلي على الألوان اللي أنتِ عايزاها..

1- هتلسقي البيض عادي جداً زي ما أنتِ بتسلقيه.

2- أثناء ما البيض بيتسلق هتملي إناء به مية، وتضيفي إليه ملعقة خل صغيرة علشان تثبتِ اللون، بعد كده تضيفي إليها أي إضافات من اللي إحنا قولنا عليها فوق على حسب اللون اللي أنتِ عايزاه، وتسيبي المية بالإضافات دي تغلي كويس أكتر من مرة علشان المية تتلون باللون اللي أنتِ عايزاه بعد كده اطفي البوتاجاز.

3- سيبي المية الملوّنة لغاية ما تبرد، وبعد كده ضيفي إليها البيض المسلوق، وسيبيه فيها لمدة خمس دقائق أو لغاية ما تلاقي إن البيض إتلوّن بلون المية.

تقديم البيض الملوّن بأكتر من طريقة
ده جاليري بيوضّح أكتر من طريقة ممكن إنك تستخدميها في تقديم البيض على السفرة يوم شم النسيم...








ممكن تجيبي طبق زجاج، وترصي فيه البيض وتحطي بينهم زهور




































ودي كانت بعض الطرق لتلوين البيض وتقديمه في شم النسيم، ودلوقتي تعالي نشوف بعض الأفكار والطرق اللي ممكن نزيّن بها البيت في شم النسيم:

شجرة البيض الملوّن
الفكرة الأولى اللي معانا النهارده هي: "شجرة البيض الملون"، وعلى فكرة الشجرة دي اسمها كده علشان كل اللي بيشوفها بيفتكر إن البيض الملوّن مستخدم فيها، ولكن في الحقيقة البيض مش مستخدم فيها نهائي...

وعلى فكرة كمان الشجرة دي بالرغم من إنها بتدي ديكور في غاية الروعة والجمال إلا أن مكوّناتها سهلة جداً وبسيطة..

كل اللي هتحتاجيه
غصن شجرة صغير أو متوسط الطول
مجموعة مختلفة الألوان من الخيوط الصوفية
بالونات صغيرة
أصيص زرع صغير أو متوسط الحجم
ورق هدايا ملون
عدد 2 أسفنجة كبيرة الحجم
شوية تراب أو رمل

الطريقة
1- أحضري الأصيص وحطي فيه الإسفنجتين فوق بعض، بعد كده اغرزي الغصن الجاف داخل الإسفنج، وخدي بالك إن الساق يصل إلى قاع الأصيص بعد كده حطي التراب أو الرمل في الإصيص.

2- بعد كده أحضري ورق الهدايا الملوّن اللي عندك وقطعيه قطع صغيرة وحطيه فوق الرمل الموجود في الأصيص، وده علشان يدي شكل جمالي.

3- أحضري البالونات وانفخيهم وخدي بالك إن حجمهم يكون ضعف حجم البيضة واربطيهم بخيط ملوّن، بس خدي بالك إن طول الخيط ده يكون طويل شوية علشان لما تيجي تعلقي البالونات في الغصن.

4- أحضري الخيوط الصوفية اللي عندك وابدئي في لفها حول البالونات بالطول والعرض بشكل مرتب، وبعد كده علّقي البالونات دي على الغصن اليابس.

5- في النهاية ممكن تزيّني الأصيص ده بورق الهدايا اللي عندك، وبعد كده حطيه في مكان واضح في البيت.


شمعدان من قشور البيض






ودلوقتي تعالي نشوف مع بعض مجموعة تانية من الديكورات من قشور البيض، بس يا ريت تكوني حريصة جداً في استخدام القشور دي؛ علشان تحصلي على النتيجة اللي أنتِ عايزاها..

شمعدان من قشور البيض
ودي طريقة ممكن تعمليها على سبيل التجديد، وعلى فكرة مكوّناته بسيطة وسهلة جداً ومش هتكلّفك أي حاجة نهائي...

كل اللي هتحتاجيه
شمع
مقص
قشر بيض
ألوان مية أو مانيكير
زيوت عطرية (على حسب ذوقك بس بكميات صغيرة جداً)
فتيل

الطريقة
1- أحضري البيضة وقسّميها لنصفين، بس مع مراعاة أن يكون فيه نصف أكبر من التاني علشان تستخدميه في وضع أكبر كمية من الشمع بداخله، بعد كده أحضري القشر ونضفيه كويس من جوه باستخدام المية، وخدي بالك إنك تنضفيه بالراحة علشان القشر ما يتكسرش، وبعد كده سيبيه شوية لغاية ما ينشف.

2- بعد ما ينشف القشر هاتيه وارسمي عليه أي رسمة أنتِ عايزاها أو لونيه باستخدام ألوان المية أو باستخدام المانيكير أو سيبيه أبيض زي ما هو، بعد كده أحضري كرتونة البيض اللي عندك ورصّي فيها القشر ده علشان تقدري تصبي فيه الشمع.

3- سيّحي الشمع عن طريق عمل حمام مية، وأحضري حلة صغيرة وحطي فيها الشمع، وحطيها في حلة أكبر منها فيها مية مغلية، وسيبيها على النار لمدة 5 دقائق أو لغاية ما تلاقي الشمع بدأ فعلاً يسيح داخل الحلة، بعد كده ضيفي ليه الزيت العطري اللي عندك.

4- أحضري الفتيل وقصيه بالطول اللي إنتِ شايفة إنه مناسب لطول قشرة البيض وحطيه جوه القشرة، وبعد كده صبي عليه شوية شمع وسيبيه لغاية ما ينشف، وبعد كده املي ثلاثة أرباع القشرة بالشمع، أو أكثر من كده وده لأن الشمع بعد ما بيبرد حجمه بيقل، وبكده تكوني عملتِ أجمد شمعدان من قشر البيض.





أحواض زرع من قشور البيض



أحواض زرع من قشور البيض
دي فكرة تانية ممكن إنك تعمليها وتستخدمي فيها برضه قشر البيض، وهي إنك تعملي بها أحواض زرع تحطي فيها أي نوع من أنواع النباتات الموجودة عندك.

وكل اللي هتحتاجيه
قشر بيض
طين
أي نوع من نباتات الزينة
طبق صغير

الطريقة
دي بقى طريقة ما فيش أبسط منها، كل اللي عليكِ إنك تجيبي البيض، وتفرّغي اللي جواه، بس بشكل يحافظ على سلامة القشرة نفسها كاملة واغسليها كويس، وبعد كده دخلي فيها الطينة اللي عندك، وازرعي فيها أي نوع نبات عندك أو ممكن تحطي فيها أي زهور عندك.

وبكده يكون خلص عددنا المرة دي..
ويا رب الأفكار اللي قولنا عليها تكون مفيدة..
وتقدروا فعلاً إنكم تعملوها في عيد الربيع...
ومن هنا للأسبوع اللي جاي...
اوعوا تنسوا تبعتوا آراءكم وتعليقاتكم الجامدة أوووي...
ولو عندكم أفكار أو مقترحات تانية لعمل ديكورات منزلية لعيد الربيع...
ابعتوا وقولوا لنا عليها بسرعة..
سلام،،،،
الموضوع الأصلي : شم النسيم والبيض الكاتب : بلال المطحنةالمصدر : منتدى نبروة نيوز


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.nabarouhnews.com
 

شم النسيم والبيض

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 كلماتدلالية كلماتدلالية
شم النسيم والبيض نبروة , شم النسيم والبيض جديد على امنتديات نبروة نيوز ,شم النسيم والبيض , شم النسيم والبيض eshary , شم النسيم والبيض telecharger 2011 , شم النسيم والبيض
 KonuLinki الموضوع
 كود BBCode BBCode
 كودHTML HTML Kodu
صلاحيات هذا المنتدى:لاتستطيع الرد على المواضيع في هذا المنتدى
 :: الاقسام العامة :: منتدى الحوار العام-
انتقل الى:  
-احصائيات  - إتصلبنا - تبرع بإعتمادات لهذا المنتدى

© phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك مجانيا