برهان وبركان....بعد العرض الخاص لفيلم انتصار الشباب

مدير العلاقات العامة

ذهب السيد برهان وعبده بركان الى دار سينما "استاد القاهرة الدولى" وشاهدا فيلم "انتصار الشباب" النسخة المنقحة من انتاج "الاهلى – فيلم" بطولة جماعية من اخراج المخرج القدير حسام البدرى
فيلم الموسم جاء فى نصفه الاول تراجيدى وفى نصفه الثاتى كوميدى استعراضى، وبينما احتل برهان وبركان اماكنهما فى البلكون "تالتة شمال" بدأ عبده بركان فى الاندماج مع جماهير الاهلى فى مداخلات جانبية بينما التزم السيد برهان الصمت!!!!

عبده برهان: ربنا يستر على الاهلى النهارده
أهلاوى (1): معاك حق ـ كنا وحشين اوى فى ماتش المحلة
أهلاوى (2): ياعم احنا ناقصين لاعيبة كتير وفهيم عمر كان ضدنا لكن كل الامور 100%
عبده بركان: ياعم احنا لا 100% ولاحاجة الدفاع وحش والهجوم فيه حاجة غلط.... وماتش المحلة طمع الناس فينا
أهلاوى(1): انا مش مطمئن خالص ، ومش ضامن ان الاهلى حيقدر يعدى الكمين بتاع ماتش التهارده . واندمج الجميع فى التشجيع بضراوة عند نزول الفريق الاحمر حاملين شعار " GO " لدفع الفريق للامام فيما انغمس الجميع فى التشجيع المتواصل مع مشاهدة لتطورات المباراة حتى انتهاء الشوط الاول ودار هذا الحوار اثناء الاستراحة

عبده بركان: شفت يا سيدى مش قلتلك ؟
السيد برهان: شفت ايه؟
عبده بركان: الفرقة مش ولابد.... مش هو ده الاهلى .... مفيش روح .... مفيش اى لعب لادفاع ولاهجوم ولا اى حاجة والمشكلة الاكبر ان بصراحة مافيش بديل
السيد برهان: انت شايف كده؟
عبده بركان: انت شايف غير كده؟
تدخل اهلاوى (1) واهلاوى (2) مؤكدين ان بالشكل ده.... الاهلى حيتغلب اكيد وبدأ الجميع فى التحدث عن شماته الاخرين ، وضياع الدورى ، وانكسار تجربة حسام البدرى ، وانتهاء جيل ، فقطع حديثهم نزول فريق الاهلى قبل بداية الشوط الثانى ، ونسى الجميع كل الاراء وتفرغوا لتشجيع الفريق بكل عبارات الثقة والطمع والفوز والطموح المستمر مهما كان حال الفريق ...هذا هو جمهور الاهلى....!!
بعد صفارة الحكم بانتهاء المباراة ، وبعد تحية جماهير الاهلى للاعبى الاهلى والمبدع حسام البدرى وعندها انفرد عبده بركان بالسيد برهان فى السيارة أثناء الرجوع ، بينما يتلفت يمين وشمال مشاهدا احتفال جماهير الاهلى بالفوز كما هى العادة كل مباراة .
عبده بركان مندهشا: انا مش مصدق!! هو ايه اللى حصل يابرهان فى الشوط الثانى؟؟
السيد برهان: لو انت فعلا تعرف يعنى ايه الاهلى ، مش حتندهش وحتعرف ايه اللى حصل!!!
عبده بركان: اللى هو ايه؟!
السيد برهان: الهدف اللى جابه فريق الشرطة حرر كل اللى فى الملعب من اى ضغوط وساعتها اتصرف حسام البدرى كمخرج سينمائى خياله واسع!!
عبده بركان: ازاى يعنى؟
السيد برهان: اجرى تغييرات فى التشكيل بدون اى خوف نزل اتنين شباب وواحدة خبرة غير التكتيك بتاع الفريق بتحرير احمد حسن وعفروتو ، سيطر على نصف الملعب بخمسة لاعبين
،استغل احمد بلال كمحطة رفع سرعة اللعب والانطلاق من الخلف و ده من الاخر محتاج خيال مخرج سينمائى وشجاعة قائد حربى وذكاء لاعب شطرنج وثبات اعصاب جراح
عبده بركان: حيلك حيلك حيلك – انت من اول الماتش ساكت ولما دخل جون الشرطة ماعلقتش ودلوقتى بقيت فيلسوف يابرهان؟؟؟ طيب ليه الكلام ده ماحصلش فى ماتش المحلة؟
السيد برهان: كل ماتش وله ظروفه وانا رأيى ان حسام البدرى لعب 35 دقيقة فى الشوط الثانى كما يجب ان يكون والماتش ده هو ماتش الموسم للاهلى
عبده بركان: ايه الكلام الكبير ده؟؟ ماتش الموسم ؟؟؟ امال ماتشين الزمالك والاسماعيلى يبقوا ايه؟
السيد برهان: ماتش الموسم لانه حدد فرقة الاهلى للخمس سنين اللى جاية يامفتح... حسام البدرى خلص الماتش ولاول مرة ب6 لاعبين اعمارهم من 20 – 21 سنة. أحمد عادل ، أحمد على ، أيمن أشرف ، عبدالله فاروق ، أحمد شكرى ، عفروتو!!!ولاول مرة الاهلى ينهى المباراة بتسعة لاعبين من ناشئين الاهلى وهم الستة اللى قولتهم وعليهم أحمد بلال وحسام عاشور ومحمد سمير!! ده طبعا غير شبيطة ومحمد طلعت – يبقى فيه ايه احسن من كده؟؟؟ الاهلى بيحرز 4 اهداف بدون وجود ابوتريكه ، ومتعب ، وفضل ، وفرانسيس ، ووائل جمعه ، واينو ، والسيد معوض ، وجلبرتو ، وأحمد فتحى...
أجوان الاهلى جابها بكرات ثابتة واختراقات من اليمين والشمال الاهلى بيجيب 4 أهداف فى حوالى 35 دقيقة بمعدل هدف كل ثمانية دقائق ونصف..... عاوز ايه تانى يابركان؟؟؟
عبده بركان: انت نسيت اهم حاجة!!!! عفروتو!!! ده مش عفروتو!!! ده عفركوش نفسه
السيد برهان: كلنا عارفين ان عفروتو حريف لكن كام حريف طلع فجأة واختفى فجأة؟
عفروتو لعب حلو بس مش لوحده.....اتفرج على آخر جون وشوف حركة أحمد على من اليمين للقلب والباصة الطويلة... اداها لعفروتو وقاله روح جيب جون... الاهلى طول عمره فيه نجوم زى ما الزمالك فيه نجوم ، والفرق مش فى النجوم... الفرق فى ادارة هذه النجوم لجعلها تدور فى فلك واحد اسمه النادى الاهلى.... وهو ده الفرق بين الاهلى وغيره... الفرق هو ان الاهلى فوق الجميع... جميع من ينتسبوا اليه ، وليس الاخرين... وده الدور الرئيسى لحسام البدرى...ألا يحول عفروتو الى شيكابالا الاهلى.. وان يستمر فى الدفع بالشباب مع استغلال الخبرات الموجودة فى الفريق وعلى رأسهم الشاب الصاعد النجم الناشىء "أحمد حسن" أكثر لاعبى الاهلى الشباب شبابا، انه يابركان "فيلم انتصار الشباب نسخة 2010

الموضوع الأصلي : برهان وبركان....بعد العرض الخاص لفيلم انتصار الشباب الكاتب : مصطفىالمصدر : منتدى نبروة نيوز

**المـديـر العـــام**

مشكوووووووووووووووووووووووووووور يا مصطفى على حدوتة قبل النوم دى انا هبقى افتح يوم مخصوص علشان اقعد اقرئها ههههههههههه بهزر معاك يا درش والله موضوع قيم

الموضوع الأصلي : برهان وبركان....بعد العرض الخاص لفيلم انتصار الشباب الكاتب : بلال المطحنةالمصدر : منتدى نبروة نيوز

مدير العلاقات العامة

lمااشى يا بلال

الموضوع الأصلي : برهان وبركان....بعد العرض الخاص لفيلم انتصار الشباب الكاتب : مصطفىالمصدر : منتدى نبروة نيوز

مشرف عام

شكراااااااااااااااااااااااااااااااااااا

الموضوع الأصلي : برهان وبركان....بعد العرض الخاص لفيلم انتصار الشباب الكاتب : Ashraf el_NaDYالمصدر : منتدى نبروة نيوز