حوار من القلب مع الكابتن ياسر رضوان المدير الفنى لنادى نبروه الرياضى
فى البدايه
تتقدم ادارة منتديات نبروه نيوز بخالص الشكر والتقدير الى الكابتن الخلوق ياسر رضوان على حسن تعاونه معنا
فى البدايه نحب نتعرف على السيره الذاتيه للكابتن ياسر رضوان ومشواره الكروى سواء لاعب او مدرب ؟
بسم الله الرحمن الرحيم طبعا الاسم ياسر احمد رضوان البدايه كانت فى نادى بلدية المحله لعبت 7 مواسم
2 درجة اولى ب و5 دورى ممتاز وعام 95 لعبت لمنتخب مصر قبل السفر الى ألمانيا 96 وبعد كده نادى هانذاروستوك
6 مواسم فى الدورى الالمانى وبعد كده العوده الى القاهره فى النادى الاهلى 3 مواسم ثم العوده الى بلدية المحله
موسمين ونادى الاولمبى موسم واحد دى مسيرتى مع الانديه
اما بخصوص منتخب مصر بدايه من 95 الى 2003
لعبت 4 بطولات امم افريقيا
احرزت بطوله ولعبت بطولة كأس العالم للقارات
بداية التدريب كانت فى اكاديمية النادى الاهلى فرع الشرقيه
اشتغلت لمدة سنه ونص
وبعد كده قطاع الناشئين فى النادى الاهلى 3 سنين
وكنت ضمن الجهاز الفنى للنادى الاهلى فى الفتره الاخيره مع الكابتن زيزو قبل تولى مانويل جوزيه التدريب
ثم تولى نادى نبروه هذا الموسم
ما رئى الكابتن ياسر رضوان فى مجلس ادارة نادى نبروه ؟
الناس محترمه جدا وناس كويسه وعاوزين يعملوا اى شىء عشان النادى يصعد للممتاز
وبيحاولوا يوفروا كل الامكانيات اللى تساعد الفريق للمنافسه على الصعود للدورى الممتاز
ما رئى الكابتن ياسر فى فريق نبروه ؟
انا لم اتمكن الى هذا الوقت بوضع فكره معينه عن الفريق لان فى لاعبين كتير لم تتعاقد معهم الاداره هذا الموسم
وموجود 9 لاعبين من القدامى والى الان لم اشتغل كاكوره ولكن شغلى الوقت على المستوى البدنى
وبحاول على قدر المستطاع تكوين قوام للفريق فى اسرع وقت من اللاعبين القدامى واللاعبين الجدد
اهم المراكز الذى يحتاجها فريق نبروه فى الفتره القادمه ؟
لم احدد حتى الان مراكز القوه والضعف فى الفريق لان شغلى هو الوقف على المستوى البدنى لكن بعد ماتش او اتنين هقدر احدد
المراكز التى تعانى من نقص
لكنى لا احتاج الا 3 او 4 لاعبين ذو خبره على ان يكونوا قوام وركيزه للفريق
هل الكابتن ياسر يفكر فى اسماء معينه يريد ضمها الى قائمة فريق نبروه ؟
مفيش اسماء معينه وبعدين انا هشوف الاماكن اللى فيها خلل فى الفريق
وطبعا انا مش هدور بنفسى على اللاعبين لكن فى سماسرة هما اللى بيعرضوا الاعبين والاسماء
وانا عليا الاختيار لتعزيز اماكن الخلل
وبعدين احيانا بيكون فى اسماء جامده جدا لكنهم خلصوا كوره
ماهى نسبة قدرة نبروه على المنافسه للصعود ؟
اكيد مدام فى استقرار وموارد متوفره وعدم تأخير مستحقات للاعبين
والاداره مسانده للفريق دايما اعتقد هتكون النسبه قويه جدا على المنافسه للصعود
هل طلبات الكابتن ياسر مجابه من قبل مجلس الاداره ؟
الى هذا الوقت جميع الطلبات متاحه والناس فى الاداره لم يأخروا اى طلب
وتعاقدوا مع اللاعبين التى اقترب تعاقدها على الانتهاء بتعاقد يرضى اللاعبين
تقدر توعد جماهير نبروه ان الفريق سوف يصعد هذا العام ؟
اولا الوعد مقدرش اوعده الان لكن انا اتمنى طبعا الصعود لنبروه
لكنى مقدرش اوعد وانا مشوفتش اللاعبين لازم تبقى عندى الفريق كامل
وبعد كده هقدر اقولك احنا هنصعد هذا الموسم او هنكون فريق جاهز للصعود الموسم القادم
هل تعرف نادى نبروه قبل الجىء الى هنا ؟
انا اساسا من الدقهليه ولعبت امام نبروه اكتر من مره
والناس فى نبروه اتكلموا معايا من فتره لتولى الفريق
لكن انا كنت برفض لانى كنت محتاج اعطى لنفسى خبره اكتر فى مجال التدريب
ماذ1 تطلب من جماهير نبروه ؟
اتمنى من كل شخص فى نبروه يحب هذه البلد ويحب النادى ان يتواجدوا دائما وراك الفريق
وخصوصا فى وجود اشخاص فى الاداره عندها استعداد للصعود
والجمهور هو اللاعب رقم 12
هل تدخل ادارة نبروه فى اختصاصات الكابتن ياسر ؟
انا الحمدلله لا تهمنى الماديات بقدر كبير ولكن كل اللى يهمنى هو الشغل
وانا اتعلمت من النادى الاهلى ان كل واحد مسؤل عن شغله ولا يتدخل احد فى شؤن الاخر
وتأكد لو سمعت ان ياسر رضوان ترك نبروه بدون اعتزار او اسباب
يبقى السبب هو تدخل احد الاعضاء فى اختصاصات الجهاز الفنى
رئى الكابتن ياسر فى قرار الغاء الهبوط من الممتاز والدرجه الاولى ؟
قرار ظالم جدا وكل واحد اتعلم فى الحياه سواء كوره او اى شىء اخر
انه يوجد صواب وعقاب والكون مبنى على هذا الاساس الكويس يستفيد والمخطىء يدفع الثمن
واللى حصل هذا الموسم ان الاثنان تساوا وبكده القرار ظالم
وانا لست مع قرار الغاء الهبوط لان الدورى العام اصبح ممتلىء
والكل يعلم ان هناك دوريات بها اعداد كبيره مثل 20 نادى و18 نادى ولكن لكل دورى نظام يعمل به منذ سنين
لكن اتحاد الكره اخد قرار خاطىء ولم يستفاد من الدوريات الاوربيه التى تقام بفرق كثيره ثم يطبق القرار
ماذا ترد على ما يحدث من تخبط واضح فى قرارت اتحاد الكره المصرى ؟
الموضوع حاليا اصبح مبنى على المصالح الشخصيه
ومن الطبيعى التخبط فى القرارات
هل تتوقع نجاح الدورى العام موسم 2011 _2012 ؟
لا اعتقد نجاح الدورى والاتحاد لن يستطيع ان يعمل على نجاح البطوله
خصوصا وان اتجاه الاتحاد ان الدورى سيتكون من 19 فريق
يعنى كده كل اسبوع فى فريق قاعد فى البيت ودا خاطىء واعتقد هيكون من اسباب فشل الدورى
هل تستطيع رسم خطه للموسم القادم لنادى نبروه ؟
نظام الدورى اتغير هذا الموسم ولم يأتى لنا اى اخطار من الاتحاد يفيد بالفرق التى ستكون معنا فى المجموعه
لكن المتوقع جدا وجود المنصوره وبلدية المحله
هل تعتقد لو كانت المنصوره صعدت الى الممتاز كان هبقى الطريق سهل امام نبروه للصعود ؟
فى ظل هذه الظروف المتاحه ان كانت المنصوره فى الممتاز اعتقد الامور كانت هتبقى سهله
ولكن ليس بهذ الدرجه التى تتحدث عنها ولكن المشوار الى الصعود صعب لن يتوقف على فريق او فريقين
وانا اعلم ان هناك حماسى غير عادى بين فريقى المنصوره ونبروه وطبعا صعودها كان هيخلى العمليه سهله علينا
لكن وجودها منافسه والمنافسه الشريفه تحدد الاجدر بالصعود
هل سنرى ناشئين نبروه هذا الموسم ؟
انا فعلا بدئت اشوف ناشىء نبروه معايا اتنين وفى اخر الاسبوع هضم لاعب تالت للفريق
وطبيعى انى لو سمعت ان فى ولد كويس لازم اعطيه فرصه لنفسه ولكى يعطى الدافع لزملائه
هل ممكن ان نرى نبروه تستعين بلاعبين من الدورى العام ؟
الاماكنيات لم تسمح لنا بشراء لاعبين من الممتاز لو نظرنا الى اقل لاعب فى الممتاز سنجد
ان تعاقده سيكون مابين 600 الى 800 الف
ولو نزل الممتاز ب هيكون مثلا 300 الى 400 الف والاداره ليس لديها هذه المبالغ
لكنهم يحاولون بقدر المستطاع ان يجعلوا نادى نبروه من الانديه الكبرى هذا الموسم
كلمة الكابتن ياسر الاخيره الى جماهير نبروه ؟
انا احب اقول لجماهير نبروه انى اعرفكم من زمان جدا ولعبت امامكم اكثر من مره مع نادى بلدية المحله
واعلم جيدا انه من الصعب جدا ان فريق يجى نبروه ويطلع كسبان
ودا بفضل الله ثم تشجيع جماهير نبروه الحماسى اتمنى منهم ان يتواجدوا دائما
مع الفريق سواء المباريات الداخليه او الخارجيه
وان شاء الله سيكون لى اجتماع مع جمهور نبروه
وسيكون هناك رابطة مشجعين مثلا الانديه الكبرى
ونحن لا نقل عنهم فى شىء والاداره تتمنى ان تفعل اى شىء من اجل ارتقاء اسم نادى نبروه
والمطلوب هو التقارب والجو الاسرى بين اللاعبين والجماهير والجهاز الفنى والاداره
ويكون هناك ترابط ووحده لتكون مصدر قوه للفريق
فى نهاية الحديث مع الكابتن الخلوق ياسر رضوان هل تريد توجيه كلمه للجمهور او الاداره او اللاعبين ؟
انا اولا احب اشكركم على هذا المجهود المبذل ومن اجل بلدكم
ودائما مصر ولاده بشباب مخلص بجد يحب بلده ويبذل ما بوسعه من اجل الارتقاء باسم بلده
فى النهاية نتقدم للكابتن ياسر بخالص الشكر والاحترام والتقدير
على حواره الممتع والصادق
ونتمنى له كل التوفيق مع فريق نبروه وتحقيق الحلم لجماهير نبروه الوفيه
كلمة الاداره
اولا نعتزر جدا لكتابة الموضوع بالعاميه وذلك لسهوله وصول حوار الكابتن ياسر الى الجميع
وايضا لذيادة المصدقية نقلها الكلام كما هو حرفيا على لسان الكابتن ياسر رضوان
الرئيسية
الأحد أبريل 20, 2014 7:38 am
موضوع: حوار من القلب مع الكابتن ياسر رضوان المدير الفنى لنادى نبروه 
