حوار مع مواطن مصري
عم محمد واحد من الشعب
كان له قبل النكسة محل وبيت
بعد النكسة باع الكل لزوم العودة
كان مؤمن
اه
كان مؤمن ان ما اخذ بالقوة لا يسترد الا بالقوة
باع الكل
قال اللى رزقني بيهم يرزقني تانى
ساعتها كل اهله واصحابه
وعم جرجس من الشارع التاني
الكل جه معاه
ساعتها بلدنا صلحت وبانت
كله شغال عشان التانى
بيزرع ويبني ويعمر اعالي
ناسي الم الفراق لاعز احبابه
ناوى يعمل مصر من تانى
الحرب بدأت ومصر هى العزيز الغالي
علمها يرفرف على شبة الجزيرة العالي
وبدمنا تروي صحرايها
واخضرت الدنيا وقامت لنا قومة تانى
عشان قائد وشعب واحد ومش جوز
جه بعدها الاراجوز وبقي قائد
قائد همام اه وشديد اوى
عامل زي عشماوي
بس يا خسارة كان كله علينا صابب
ولينا كاره
ومنا ناقم
ومش عارف ليه كل ده
الحبه تطلع تقول اخترناه وبايعناه
وطقم الحنية والتساهيل اياه
لحبايبنا البعدا جنبنا وحتى لا امر ولا يكان
مش عارف هو احنا مش من البلد دي
وحتى حلمنا القومي
خلاه بور وصحرا جرداء
صدقناه قلنا هو فاهم
بس كداب
ازاى يكون قائد مهاب الركن كداب
نايم ومتغطي وغيره عريان
واكل ومتهني وغيره من الزبالة شبعان
بيضحك وبيحضن ست الحسن
وبلده بتبكي ركاب مركب غرقان
قال هيحاسب ويتوعد
وفرحنا وهللنا
بس مش فهمنا
هيحاسب ويتوعد اللى صحي جنابه
كان نايم وبيحلم
قطع الرعاع حلمه وصحوه
نايم وبيحلم
نايم وبيحلم
وشعبه غرقان ومتعلق
بايد تتمد له
نايم وبيحلم
نايم وبيحلم
وقلنا جسر بينا وبين اخوتنا جنبنا
يقصر البعد ويشيل الجفا
قال مينفعشي ليه
معرفشي ماهو مهاب الركن
فاهم وشكله ممخمخ
هو فى وادي واحنا فيين
مش فى وادي تاني
لا دا احنا فى كوكب تاني
هو القائد هو المهاب هو الركن
هو نايم وبيحلم
حتى لما صحي بيعافر وبيتكبر
على ايه بلا وكسه
على ايه دا الناس منك زهقت
برضه ودن من طين وودن من هوا
يقول دا انا مصري وفيها اعيش واموت
يا سلام يا ابو قلب بلاستك
يا حنيين
بس برضة لسه نايم وبيحلم